कविता - 🌷 ' महा-सोमदेव-दर्शन '
कवयित्री - तिलोत्तमा विजय लेले
तारिख - शुक्रवार, १९ एप्रिल २०२४
वेळ - रात्री, ११ वाजून ३५ मि.
चंदामामाविना बाल्यावस्था आहे अपूर्ण
बाळांना-मोठ्यांनाही त्याचंच आकर्षण ...
सगळी बच्चे कंपनी होते खुश त्या पाहून
गोल-गरगरीत-चांदोबा अन् त्याचं चांदणं ...
महाबळेश्वरला झालेली ही गोष्ट विलक्षण ...
पौर्णिमेच्या दिवशीच श्री सोमदेवाचे-दर्शन
सुमारे चार वाजता भल्या पहाटे-पहाटे,
जणू साद मज घातली पुनवेच्या पूर्णेंदूने ...
स्वप्नामध्ये मिटल्या डोळ्यांनी जे दिसले,
हुबेहूब तेच जागे-पणी, प्रत्यक्षात दिसले ...
घराच्या बाहेरच बागे-मध्ये अति-विशाल ...
खुणावे जणू पसरवूनी दिव्य मोह-जाल ...
लख्खं-तेजपुंज असे महा-सोमदेव-दर्शन ...
जन्मभरात तो देखावा अशक्यच विसरणं ...
🌷@तिलोत्तमा विजय लेले
Leave a Reply