कविता :🌷’ भरती ‘
कवयित्री : तिलोत्तमा विजय लेले
तारिख : मंगळवार, २९ ऑगस्ट २०२३
वेळ : संध्याकाळी, ७ वाजून ४० मि.
हे गज-वदना, देवा गणराया
कृपा-वर्षा करण्या सत्वर या
प्राण कंठाशी हे आले आता,
तुमच्या विना कोण हो त्राता ?
आस लागलीसे आगमनाची
वळवा हो, कृपा-दृष्टी तुमची
आम्हां नादान बालक समजून
रक्षण करा हो विनाशा पासून
रात्रं-दिवस गाऊ देवाचे गुणगान
सद्बुद्धी-सद्शक्तिचं द्यावं वरदान
भरकटलेल्या मना द्यावी जागृती
इतुकीच ही कळकळीची विनंती
निरामय आनंदाची वृष्टी व्हावी,
सर्वांच्या सुखाला भरती यावी !
🌷@तिलोत्तमा विजय लेले
🙏🕉️🔆
Leave a Reply