कविता : 🌷' धावा '
कवयित्री : तिलोत्तमा विजय लेले
तारिख : रविवार, २ जून २०२४
वेळ : रात्री ११ वाजून ३२ मि.

जरी मूळ स्वभावात अजिबात बसत नाही, 
तरी "पराधीन-भावना" पिच्छा सोडत नाही 

दर दिवशी पालटणारी, एकूणच परिस्थिती 
वर-वर पाहता झकास,श्रीलक्ष्मीची उपस्थिती

पण व्यसनासक्त, अर्धवट वयातच दिशाहीन 
सुदृढ असूनही, मानसिक रोगानेच हीन-दीन

असा योध्दा, जो चक्र-व्यूह-भेद करु शकतो,
व्यूहरचना तोडून बाहेर पडण्यात कमी पडतो

त्याला सुरक्षित ठेवण्यासाठी श्रीकृष्णच हवा
साक्षात् भगवंता वीण कुणाचा करावा धावा ?

🌷@तिलोत्तमा विजय लेले
🙏🕉️🔆