कविता - 🌷 " त्रिदेव-त्रिमूर्ती "
कवयित्री - तिलोत्तमा विजय लेले 

मार्गशीर्ष महिना महत्वाचा व आनंदाचा 
पौर्णिमेच्या शुभ-दिनी जन्म दत्तात्रेयांचा 
अनुसूया व अत्री ऋषींच्या या, सुपुत्राचा 
बाल-स्वरूपात जन्म घेणाऱ्या त्रिदेवांचा 

ब्रह्मा-विष्णू-महेश यांचा विशेष अवतार 
एकूण २४  गुरुंचे शिष्यत्व, ज्ञानार्जनास
प्रत्येकाकडून विशेष" ज्ञान "ग्रहण केले 
संपूर्ण चरा- चरात ऐच्छिक भ्रमण केले 

सजीव-निर्जीव दरेक वस्तू व वास्तुमध्ये,
स्थित, एकच" आत्म-तत्व" हे सिद्ध केले 
औदुुंबराच्या छायेत शांत मोहक त्रिमूर्ती
कामधेनू-व-चार श्वान-त्यांच्या सभोवती 

श्रीदत्तगुरु भक्तांचे मनोगत पूर्ण करतात  
जे मनोभावे पूजतात, त्यांना ते पावतात 
गाणगापूरास उमटली दत्तात्रेयांची पाऊले
ज्ञान-प्रसारासाठी, अवधूत-रुपात-प्रकटले 

पिठापूर, माहूर, गिरनार, कारंजा,कुरवपूर
गरुडेश्वर, औदुंबर, माणगाव व गाणगापूर
नृसिंहवाडी, अक्कलकोट, माणिक, नगर 
ही क्षेत्रं त्यांच्या वास्तव्यामुळे परम-पवित्र 

ज्या ज्या परिसरात, त्यांच्या झाला संचार 
सुप्रसिद्ध पवित्र-तीर्थस्थानं झाली साकार 
झाडून सगळे भाविक-भक्त-जन दर्शनास,
आतुरतेने गोळा होऊन, धन्य-धन्य होतात 

ते रूप बदलून, भक्तांना अवधूत स्वरुपात  
विविध रितीने, भाग्यवंतांना "दर्शन" देतात 
अनुग्रह करून-सगळी मनोरथे पूर्ण करतात
न मागता,"कल्पनातीत-दिव्य-काही-देतात"

🌷@तिलोत्तमा विजय लेले 
🙏🕉️🔆