कविता 🌷’ तो येतो तेव्हा ‘
कवयित्री : तिलोत्तमा विजय लेले
तारिख : गुरुवार, १७ ऑगस्ट २०२३
वेळ : १२ वाजून २३ मि.
तो येतो अन् येतेच आनंदाची सुखद लहर
त्या सवे येतो अगणित पाना-फुलांना बहर
हर्षित पशु-पक्षी-नद्यांची मंजुळ नाद-लहर
जाणीव होते, श्रावण सखा आल्या-नंतर
एका-हिरव्या-रंगाच्या किती छटा ढिगभर
तरी प्रत्येक रंग-छटा अत्यंत मोहक-सुंदर !
छटा-न्-छटा तना-मनास भुरळ घालणारी
क्षणार्धात डोळ्यांत भरणारी-सुखावणारी
सौंदर्याने जणू नजरेला खिळवून ठेवणारी !
स्वागतासाठी पाना-वेलींचा बांधला असे झुला
हिरवा-कंच-मखमली जणू गालीचा अंथरलेला
वरुन रंगी-बेरंगी फुलांची वेल-बुट्टी-चितारलेला
श्रावण सख्यासाठी अवघी सृष्टी नव-वधू-गत
नख-शिखांत साज-शृंगार, नटून-थटून सज्ज !
हिरवा शालू, हाती वरमाला-नाकात शोभे नथ !
हिरवागार निसर्ग, अंगी लेवून पिवळं-धम्म ऊन
रिमझिम श्रावणसरीं, वाजे हलकी-फुलकी धुन
हर्षानंदाला उधाण-वरुन सणासुदीची धाम-धूम
🌷@तिलोत्तमा विजय लेले
🙏🕉️🔆
Leave a Reply