कविता – 🌷 ” झाली कृष्णमया “
कवयित्री -तिलोत्तमा विजय लेले
तारिख – ८ डिसेंबर २०१६
रात्रं- दिवस ध्यास लागता मना …
बिंब स्वयं, प्रतिबिंब आज दिसेना …
दोन्ही रूपं होऊन एकच,कळेना …
विराट स्वरूपा पाहून, बोध होईना,
चिंब झाला हिंदोळा …
राधा-धारा, धारा- राधा, राधा- राधा
सर्व विश्वं गुंग झालं, राधा-कृष्ण नामा
पुष्प-झुला उंच-गेला,स्पर्शून जाई नभा …
आल्हाद दिव्य प्रकाश,कृष्णाची आभा
पाहता सुंदर,मोहक असं ते मोर-पिस …
भुरळ घालूनी मनास करी वेडं- पीसं …
त्याच्या निळ्या- निळ्या रंगात मनं झालं निळं …
सावळा तो घननिळा आठवे ते कृष्ण- कमळ …
मग मन होऊनी राधा, पुकारे कान्हा, कन्हैया …
साद कानी पडे बासुरीच्या मधुर स्वरां -स्वरा …
गोप-गोपिकां परतून येता म्हणती राधा- राधा …
राधा विसरून अवघ्या विश्वा,झाली कृष्णमया …
मनात चाले हरीचे चिंतन,
ओठी नाम देवकी- नंदन …
रुण-झुण करती, पायी पैंजण …
हरी- हरी करती, हाती कंकण …
नयनी लपला तो घनश्याम …
चैन पडेना, सुचेनाच काम …
यमुनेच्या – तीरावर, राधा जाता
बावरी होऊन गोविंदास, शोधता …
यमुनेच्या जळी,प्रतिबिंब दिसता …
स्व-बिंबातच घन-श्याम, असता …
हा भास की सत्य,याचा प्रत्यय येता …
राधा- कृष्ण, एक- बिंब,एक-आत्मा …
हे त्रिकालाबाधित-सत्य अंती उकलंता …
धन्य झाले तिन्ही लोक,पटूनी सत्यता …
🌷@तिलोत्तमा विजय लेले
🙏🕉️🔆
Leave a Reply