कविता : 🌷 ” जाळे “
कवयित्री : तिलोत्तमा विजय लेले
तारिख : २२ फेब्रुवारी २०२४
वेळ : १२ वाजून १० मि.
जगाची रीत उफराटी
प्रेम-गंगा वाहते उलटी
आई-बाप जीव सांडती
माया सांडिली वाळवंटी
एकतर्फी कारभार सारा
हकनाक वाढला पसारा
मामला आतल्या आतच
रक्तबंबाळ करी जीवास
नाठाळाचे नादी न लागणे
कर्तव्यास कधी न चुकणे
ज्याच्या त्याच्या नशीबाने
बरे-वाईट होणे, न टळणे
जे जे होईल, ते ते पहावे
कशातच अधिक न गुंतावे
अळवापरि अलिप्त रहावे
चिखलाकडे दुर्लक्ष करावे
गरजेनुसार छाटून टाकावे
जे जहरी ते पूर्ण नष्ट करावे
जागोजागी मोहाचे वेटोळे
सतर्क नसता, करी वाटोळे
पापी-दुष्ट-जनास टाळावे
मति-भ्रष्टास, माफ करावे
राग-लोभास स्थान न द्यावे
सदैव नाम-स्मरणात रमावे
🌷@तिलोत्तमा विजय लेले
🙏🕉️🔆
Leave a Reply