कविता : 🌷 ' चौफेर प्रतिबिंब शिवाचे '
कवयित्री : तिलोत्तमा विजय लेले

शिव-शक्तीस समर्पित दिन हा अति-पवित्र 
शिव-पार्वती विवाह म्हणून 'महा-शिवरात्र' 
पुष्प, चन्दन, भस्म, जलाभिषेक, बिल्वपत्र 
झळकतो वैश्विक उर्जेचा प्रचंड स्रोत सर्वत्र 

अथक प्रयत्नान्ती भगीरथ घेऊन आला,
थेट स्वर्गातून पृथ्वीवरती आणले गंगेला 
शंकराने त्वरित जटेत धारण केले तिला, 
म्हणून 'गंगाधर' नावानं ओळखला गेला 

अमृत-मंथनात चौदावं रत्न, हे जहरी विष निघालं 
भोळ्या शंकरानं ते 'हलाहल’ प्राशन करुन टाकलं 
सृष्टीवरील भयाण संकटाचं तत्काल निवारण केलं 
तेव्हापासूनच 'नीलकंठ' हे नावही त्यालाच मिळालं 

शिव-तांडव नृत्य, जगात आहे सुप्रसिध्द 
निसर्गही हवं ते देतो, भरभरुन मुक्तहस्त 
कधी कोपला तर मात्र, होऊन-अति-क्रुद्ध,
थैमान घालून तांडव-नर्तन करतो, संत्रस्त 

शिव-शंकर-भोलेनाथ, हे-निसर्गाचं-जणू-प्रतिकात्मक-रूप- खास 
सुनामी, ज्वालामुखी, चक्रीवादळं, भूकंप यांनीच सृष्टीचा विनाश 
त्रिलोचन-सदाशिव तिसरा डोळा उघडून तांडव करी विनासायास 
एक निसर्गाचं 'रौद्र रूप' अन् दुसरें 'रूद्र-निर्मित' भयंकर सर्वनाश 

कैक पवित्र शिवालयं अत्यंत दुर्गम भागात उभी राहिली 
अमरनाथ, केदारनाथादि तीर्थक्षेत्रं, पर्वत-कुशीत वसली 
भीमाशंकर, तुंगारेश्वर आदि घनदाट अरण्यात विसावली
निसर्ग-संरक्षणामुळे मानवी-अस्तित्वाची पताका टिकली 

'सत्यम् शिवम् सुंदरम्' हे विशेष प्रतिक आहे निसर्गाचे 
त्रिनेत्र, भालचंद्र, गंगाधर, नीलकंठ, रुद्रादि नाव तयाचे !
पशू-पक्षी, वृक्ष-वल्ली, वनराई, नद्या, झरे, अवघी सृष्टी 
संवेदनशिल मनात चौफेर पडेल, प्रतिबिंब शिवाचे दृष्टी !

🌷@तिलोत्तमा विजय लेले
🙏🕉️🔆