कविता - 🌷 " उंच भरारी कतृत्वाची "
कवयित्री - तिलोत्तमा विजय लेले 

माणसाचं आयुष्य घडवण्यात त्याच्या,
भोवतालच्या लोकांचा, वातावरणाचा, 
परिस्थितीचाच असतो  सिंहाचा वाटा  

जन्मदाते त्यांच्यावर संस्कार करतातच
पण परिस्थितीच मोठी शाळा व शिक्षक
स्थिती शिकवते जे ज्ञान, ना देई पुस्तक

चांगल्या स्थितीत,सर्व काही बिनबोभाट
पण तीच स्थिती बिकट झाल्यावर मात्र
भल्या-भल्यांच्या, तोंडचं पाणीच पळतं 

लहान मुलांना नीट निरखून पाहिलं तर,
समजतं ती मुलत: असतात फार हुशार  
जेथे लाड होतात, तेथेच ती हट्ट करतात

जेथे त्यांची डाळ न शिजणार, हे माहित
त्यावाटेला चुकुनही ते फिरकणार नाहीत 

गोर-गरिबांच्या घरा-घरातील लेकरं-बाळं,
ती अकालीच प्रौढ बनतात परिस्थितीमुळं

पण संधी मिळताच रात्रीचा दिवस करून 
कामं करती सर्व शक्तीनिशी झोकून देऊन 

मग यांच्यातूनच झाले अथी-रथी महारथी 
दिपवून टाकलं करुन, भव्यदिव्य करामती 

बाबासाहेब आंबेडकर, धीरूभाई अंबानी 
जे के रौलींग,हँरी पाँटर-सीरीजची निर्माती  

कॉमेडीचा-सम्राट, चार्ली चँप्लीन
अँपलचा-सीईओ, स्टीव्ह  जाँब्ज
अमेरिका-प्रेसिडेंट,अब्रँहम लिंकन 

नावांची यादी तर प्रचंड लांब-लचक
त्यांच्या कतृत्वाची भरारी, उंचच-उंच  

🌷@तिलोत्तमा विजय लेले
🙏🕉️🔆