कविता - 🌷 ' आई अंबाबाईचा धावा '
कवयित्री - तिलोत्तमा विजय लेले
तारिख - रविवार, १४ एप्रिल २०२४
वेळ - संध्याकाळी, ७ वाजून ५२ मि.
आई अंबाबाई, हे आई अंबाबाई
कृपेची तू सावली आई अंबाबाई
काम-क्रोधाच्या या पाशां-मधुनी
जिवा-शिवाला सांभाळ गं आई
मोह-मायेच्या या जाळ्या-मधुनी
मम अंत:करणा, वाचव गं आई
मद-मत्सराच्या या वेढ्या-मधुनी,
निर्मळ भावनां सदा जप गं आई
दांभिकपणाची भावना मनातुनी
कायमची समूळ नष्ट कर गं आई
तनमन भक्तिच्या रचना करण्यात
क्षण-न्-क्षण रमू दे, नामस्मरणात
तुझ्या चरणाशी नतमस्तक होऊन
धन्य-धन्य होवो आई, सारं जीवन
🌷@तिलोत्तमा विजय लेले🙏🕉️🔆
Leave a Reply