कविता – 🌷 “अविस्मरणीय अनुभव “…
कवयित्री – तिलोत्तमा विजय लेले
तारिख – गुरुवार, २० जूलै २०१७
भल्या पहाटे उठून शुचिर्भूत होऊन, थेट
देनाली नँशनल पार्कला, दिली होती भेट
सेन्टरला जाऊन देनालीची बस पकडली
अगदी वेळेवर वक्तशीरपणे बसही सुटली,
ते निसर्ग सौंदर्य इतकं होतं नजर-फोड,
काय अन् किती पाहावं असं झालं होतं
सगळं दृश्यच होतं अविस्मरणीय-अजोड
इतक्यात झाडीतून चक्कं अस्वलांची जोडी,
बाहेर पडून भर रस्त्यातून चाललेली दिसली …
अंदाजे पाचशें किलो-देहाला आवरत-सावरत
खाली मुंडी घालून चालले होते त्यांच्याच मस्तीत
लगोलग बसच्या काचा फटा-फट झाल्या बंद
आवाज न करता चिडीचूप, सर्वच एकदम शांत
ते दोघेही रस्ता संपूर्ण ओलांडून जाईपर्यंत
सगळ्यांचे कँमेरे, कँमकॉडर झाले कार्यरत
क्लिक-क्लिक-क्लिक शटर्सची उघड-झाप
शेवटी सुशागात रमत-गमत त्या जोडीची स्वारी
मंद लयीत आरामात, पोहोचली एकदाची पैलतीरी
नंतर नीलगाय आदी जंगली प्राण्यांना बघत-बघत
वनराईत हिरवी भरगच्च घनदाट झाडी-झुडुपं पहात
डोळ्यांनीच घेता येईल तितका सृष्टीचा आस्वाद घेत,
बॅक-पॅक मधून खात-पीत हळू-हळू घाट चढत-चढत,
पोहोचलो उंच जणू प्रति स्वर्गा-समान
बर्फाच्छादित कडी-कपार्यांची कमान
निसर्ग-राणीने साज-शृंगार करून
लाडिकपणे हातांची मिठीच घालून
पिंगा घालत गोलाकार फेरा धरून,
सप्त-रंगांची अनिर्बंध-स्वैर उधळण …
हिरव्या रंगांच्या इतक्या छटा,एका ठिकाणी
सृष्टि-सौंदर्यानं नटलेली ती अवखळ धरणी
स्वर्गीय बहार, स्वत:च उतरली जणू अंगणी
निळं-निळंसं निरभ्रं, अथांग आभाळ
ढगांशी लपंडाव खेळणारं, लडिवाळ
झळकतंय देनालीचं उंचच उंच भाल
देनाली म्हणजे अमेरिकेचं जणू” एव्हरेस्ट “
बघून हिमालयाची आठवण झाली” बेस्ट “
त्याच्या बरोबरच्या प्रेक्षणीय पर्वत-रांगा
सूर्य-किरणांनी रंगवलेला अद्भुत नजारा
झुळू-झुळू वाहणारा सुखद वारा
वन्य-जीवनाच्या त्या साक्षात्कारा
केला शत-शतदा मानाचा मुजरा …
यानंतरचं चित्त-थरारक अनुभव-वर्णन
नक्की करूया,कवितेच्या दुसर्या भागात
🌷@तिलोत्तमा विजय लेले
🙏🕉️🌅
Leave a Reply