कविता – 🌷 ” अनमोल ग्रंथराज “
कवयित्री – तिलोत्तमा विजय लेले
तारिख – सोमवार १९ फेब्रुवारी २०२४
वेळ – दुपारी, ४ वाजून ४१ मि.
शिवथरघळीला निबीड वनामध्ये, माघ शुद्ध नवमीला …
१७ व्या शतकात, श्रीसमर्थांनी दासबोध ग्रंथ लिहीला …
मानवी-जीवनाविषयी त्यांचा सखोल-परिपूर्ण अभ्यास
ज्ञानी-सशक्त-समाज घडविणे-हाच होता एकमेव ध्यास …
रामदास स्वामींनी केली भक्तिमार्गाने-शक्तिची उपासना
त्यांचा ठाम विश्वास, उपासनेतून सामर्थ्याची जोपासना …
त्यांनी-संपूर्ण देशभरात कैक-ठिकाणी केले मठ-स्थापन …
मारुतीरायाच्या-शक्ति-उपासनेतून जन-मानसाचं संघटन …
आजही कालातीत अशी ‘समर्थ-शिकवण’, तंतोतंत लागू …
उमगते वैयक्तिक-सामाजिक-प्रश्नांवर कसा ठेवावा काबू …
या ग्रंथात नानाविध गोष्टींचा समावेश व मुद्देसूद उहापोह …
स्वास्थ्यपूर्णतेस जरुरी, नष्ट करणे-काम-क्रोध-लोभ-मोह …
मोजक्याच-शब्दात व्यक्त केला सडेतोड-अचूक युक्तिवाद …
ना शब्दांचं अवडंबर-ना वितंडवाद,त्यात निव्वळ बुद्धिवाद …
आरोग्याचा कानमंत्र लहान-थोर, स्त्री-पुरुष, सर्व सुजाण …
मानवी मनास-ज्ञानेंद्रियांना उपयुक्त-हे उपदेशपर लिखाण …
सांगड घालते-ज्ञान-परमार्थ-धर्मनिष्ठा-देशप्रेम-भक्तिमार्ग,
मानसिक आरोग्य-शरीर स्वास्थ्याचा, हा एकमेव राजमार्ग …
ज्ञानाचा-प्रसार, मनावर ताबा, नेटक्या संसाराचं मार्गदर्शन …
आयुष्यास सुंदर व योग्य वळण कसे लावावे, याचं विवरण …
शरीर-स्वास्थ्य-दैनंदिन जीवनातील नानाविध पैलूंना स्पर्श,
तत्कालीन बहुतांश अध्यात्मिक-वाङमयाचा, जणू सारांश …
हा अनमोल ग्रंथराज नाही नुसता वाचण्या-पारायणसाठी,
जरुरीचं आहे शब्दांचं चिंतन-मनन, प्रत्यक्ष आचरणासाठी …
🌷@तिलोत्तमा विजय लेले
🙏🕉️🔆
Leave a Reply