कविता : 🌷 सुखाची धरूया कास 
कवयित्री : तिलोत्तमा विजय लेले

संक्रांतीचा सण म्हणजे आनंदाला खुलं आमंत्रण... 
सूर्यदेवही उत्साहात आरंभ करतो मकर संक्रमण... 

संक्रांत म्हटल्यावर आठवते ती काळी-चंद्रावळी...
सुवासिनी-मुलीबाळी-सूना कोरती चंद्रकोर भाळी...

हलव्याच्या दागदागिन्यांनी नटून-थटून मिरवतात...
सारेच जण गुळ-पोळ्यांवर यथेच्छ ताव मारतात...

भारतभर वेगवेगळ्या नावांनी सण होतो साजरा...
हर्षोल्लासाला उधाण येऊन दु:खाचा होई निचरा... 

उन्ह सरल्यावर संपूर्ण कुटुंबाचं वास्तव्य गच्चीवर... 
खाणं-पिणं पतंग उडवणं मस्तीची मात सुस्तीवर...

हजारों-लाखों पतंग, रंगबेरंगी नेत्रदीपक आकाश... 
किती चढ-उतार आले तरी सुखाची धरूया कास...

🌷@तिलोत्तमा विजय लेले
🙏🕉️🔆