कविता :🌷’मांगल्याचं प्रतिक’
कवयित्री : तिलोत्तमा विजय लेले
तारिख : सोमवार, १७ जुलै २०२३
वेळ : ११ वाजून २४ मि.
कोणत्याही कार्याची-कार्यक्रमाची-सुरुवात,
सामान्यत: दीप-प्रज्वलन-करुनच करतात !
हिंदू-संस्कृतीनं दिव्याला विशेष दिलं महत्त्व,
दीपाच्या-माध्यमातून मांगल्य-समृद्धीचं-तत्व !
अग्नि-प्रती कृतज्ञ-भाव व्यक्त करण्यासाठी,
पुरणाचे दिवे व त्यात साजूक तुपातील वाती
नितांत सुंदर, शांत-पवित्र वातावरण-निर्मिती
मनोभावे-पूजन-अर्चनाने प्रसन्न होई चित्तवृत्ती
मना-मनांत-अज्ञान-रुपी-अंध:काराची भीती,
ज्ञान-दीप उजळून, दिव्य-प्रकाशाची प्रचिती !
श्रावणाच्या पवित्र आगमनाची आगामी वर्दी,
सोमवारची-दीप-अमावास्या होते “सोमवती”!
यथासांग ‘दीप-पूजनाचा-विधी’ करुन संपूर्ण,
पुरणाचे दिंड बनवून गोड-नैवेद्य होतो अर्पण !
सगळे जीभेचे चोचले श्रावण सुरु होण्याआधी,
आषाढी-अमावास्येला खवय्ये यथेच्छ पुरविती !
आयुष्यात सुख-शांती-तृप्तीसाठी मूक-आवाहन,
सूर्यस्वरुप-अग्निरुप-तेजस्वी लक्ष्मीचं गृहागमन!
मानस-पूजा स्वीकार होऊन, इच्छा होवोत पूर्ण
दु:खाचा विलय होऊन-दरेक क्षण होवो सुवर्ण !
दिव्यांची पूजा केल्यामुळे महालक्ष्मी होई प्रसन्न
सुख-शांती-समाधान घरीदारी संपदा स्थानापन्न
सर्वांवरती महालक्ष्मीची सदैव राहो अखंड-कृपा,
उजळू दे-ज्ञानरुपी-प्रकाश म्हणून दिव्यांची-पूजा !
जीवन-अंधारातून प्रकाश-पथावर नेणारा दिवा,
‘मांगल्याचं प्रतिक’ म्हणून सदैव जपायला हवा !
@तिलोत्तमा विजय लेले
🙏🕉️🔆
Leave a Reply