कविता – बालगीत 🌷 ‘ लब्बाड चांदोबा ‘
कवयित्री – तिलोत्तमा विजय लेले
तारिख – सोमवार, १ जानेवारी २०२४
वेळ – दुपारी ४ वाजून ३३ मि.
रात्रीच्या वेळी आभाळात,
चमचम करीत, चांदण्यात …
एक गोलमटोल चांदोबा, …
हसतो गालातल्या गालात …!
सर्वांबरोबर चालत राहतो …
आपण थांबलो की थांबतो …!
चांदण्यांबरोबर खेळ खेळतो …
ढगांच्या आड, मध्येच लपतो …!
कधी कधी पाण्यात दिसतो …
कधी कधी गायबच असतो …!
एक दिवस होतो, टुम्म पुरी …!
नंतर लहान-लहान, होत जातो !
आजीच्या गोष्टीत, रोजच येतो …
मजेशीर खूप-खूप गमती करतो …!
अर्जुन झोपला की, पळ काढतो …
स्वप्नात लब्बाड, हळूच डोकावतो …!
🌷@तिलोत्तमा विजय लेले
🙏🕉️🔆
Leave a Reply