कविता – बालगीत 🌷 ‘ रंगीत-झंगीत ‘
कवयित्री – तिलोत्तमा विजय लेले
तारिख – रविवार, २१ जानेवारी २०२४
वेळ – दुपारी १ वाजून ५३ मि.
सुंदर, कोमल, रंगीत-झंगीत …
फुला-फुलांवरुन, पाकळीत …
कोण हळूच डोकावून जाते …
बघत बसता नजरच खिळते …
मोहक इतके की वाटे पकडावे,
लबाड इतके की हाती न यावे …
भान हरपून पाठीमागे लागावे,
तर गुंगारा देऊन निसटून जाते …
रंगीबेरंगी जादू अशी करणारे …
नाजुक-चंचल, खुश करणारे …
फुलांशी खेळते ते फुलपाखरू …
अर्जुनला वाटते, कसे बरं धरू ?
पकडा-पकडी जोशात चालते …
आजीची मस्त करमणूक होते …
बागेत सगळीकडे भिरभिरते …
बाळ-गोपाळांना ते फार आवडते …
🌷@तिलोत्तमा विजय लेले
🙏🕉️🔆
Leave a Reply