कविता – बालगीत 🌷 ‘ जादूचे बुडबुडे ‘
कवयित्री – तिलोत्तमा विजय लेले
तारिख – सोमवार, ५ फेब्रुवारी २०२४
वेळ – १० वाजून ०५ मि.
सप्तरंगी चमचमणारे बुडबुडे
फुंकर मारताच हवेत उडणारे …
गोबर्या गाली आनंदाचे फवारे
टाळ्या वाजवीती हात गोरे गोरे …
क्षणार्धात सर्वत्र भिरभिरणारे
गोल-रंगी-बेरंगी लकलकणारे …
नाजुक जसे की काचेची झुंबरे
हलक्याशा स्पर्शानेही फुटणारे …
झटपट बनतात-जादूही करतात
त्यांना पकडायला सारे धावतात
जादू संपल्यावर, झटपट विरतात
असे बुडबुडे अर्जुनला आवडतात …
🌷@तिलोत्तमा विजय लेले
🙏🕉️🔆
Leave a Reply