कविता – बालगीत 🌷 ‘ अळी मिळी गुपचिळी ‘
कवयित्री – तिलोत्तमा विजय लेले
तारिख – शनिवार, २० जानेवारी २०२४
वेळ – दुपारी १ वाजून ५० मि.
इवली इवली चिऊताई …
केव्हढी तिची घाई-घाई …
चोचीमधून दाणे न्हेई,
पिल्लांना, ती चोचीत देई …
इवला असून तिचा जीव,
कसलीच नाही टिव-टिव …
काडी-न् काडी जमवते …
अन् ऊबदार घरटं बांधते …
चिवचिव कधी थांबत नाही …
दमणं तिला माहीतच नाही …
हिरवे वाटाणे सोलताना,
अळी दिसली वळवळताना !
हिरवी-हिरवी, होती अळी …
चोचीत उचलून भुर्र पळाली …
पिल्लांकडे, चिऊताई गेली …
अर्जुन अन् आजीची
अळी मिळी गुपचिळी
अर्जुन अन् आजीची
अळी मिळी गुपचिळी
🌷@तिलोत्तमा विजय लेले
🙏🕉️🔆
Leave a Reply