कविता -प्रार्थना 🌷 ' नको " येरझारा " देवा आता '
कवयित्री - तिलोत्तमा विजय लेले
तारिख - ३ ऑक्टोबर २०१६
मनं हे चमेली ...
मी चरण-धुली ...
नको मोह-जाली ...
गुंगणे आता ......
मनं हे प्राजक्त ...
होऊनी विरक्त,
पुनरपि " रत " ...
होणे नाही ......
मनं हे अबोली ...
वाहिलं ते पायी ...
पुनरपि " कायी " ...
येणे नाही ......
अर्पूनी कमळ ...🌷
भाव हा निर्मळ ...
पुनरपि " पाशी "...
गुंतंणे नाही ......
मनं हे जास्वंदी ...🌺
अर्पिले तव-पदी ...
संपू दे आसक्ती ...
आता तरी ......
मनं हे " अनंत " ...
भाव असे शांत ...
नको " येरझारा "...
देवा आता ......
🌷@तिलोत्तमा विजय लेले
🙏🕉️🌅
Leave a Reply