कविता : 🌷 " तो आणि ती "
कवयित्री : तिलोत्तमा विजय लेले

तो अन् ती म्हणजे हर्षाला साक्षात् भरती
दोघेही एका नाण्याच्या, दोन बाजू असती
तो संतुष्ट परिपूर्ण आणि ती साक्षात् तृप्ती

तो जणू निरभ्र निळं आकाश अन् ती धरती
महा-सागरी पौर्णिमेला ती लाटांवरची भरती
तो मनमोहक गुलाब ती धम्म पिवळी शेवंती

तो झरझरणारा झरा, ती सुशांत वाहती नदी
ती सोनसळी सकाळ, तो शिंपल्यातील मोती
तोच संयत-शुक्रतारा अवखळ-चांदण्या-राती

तो भुरभुरता पाऊस ती जलधारा कोसळती
तो मंद तेवते-निरांजन व ती सोज्वळ ज्योती
विनाशकारी महेश तो, ती भरते प्राण-ज्योती

तिच्यावीण तो अपूर्ण, त्रिभुवनात त्यांची किर्ती
तो आहे त्रिनेत्रधारी महादेव तीच त्याची शक्ति 
वेळोवेळी तिनेच केली संपूर्ण विश्वाची निर्मिती

🌷@तिलोत्तमा विजय लेले
🙏🕉️🔆