कविता : 🌷 " अलिप्त मी "
कवयित्री : तिलोत्तमा विजय लेले

माणसांच्या गराड्यामध्ये असूनही
अगदीच एकाकी अन् अलिप्त मी...

रंगात रंग मिसळूनी होते रंग-पंचमी...
रंगात माखूनही पुरतीच अलिप्त मी...

सा-या गुण-अवगुणांचे सूक्ष्म कंगोरे,
पाहताच उठती मनी अगणित शहारे...

तळहाताच्या भाकित-रेखांची साखळी,
मजला कधी ना जखडून, ठेवू शकली...

भावनांच्या अथांग गुंत्यात अडकूनही,
अळवावरील मुक्त स्वच्छंदी जलबिंदू मी...

🌷@तिलोत्तमा विजय लेले
🙏🕉️🔆